बर्दियाको बाँसगढी नगरपालिकामा २ दिने परियोजना लेखन तालिम शुरु भएको छ । युवा सञ्जाल बाँसगढीको आयोजनामा तालिमका साथै व्यवसायिक कृषिमा युवाहरुको अवसर र चुनौती विषयम अभिमूखिकरण तालिम शुरु भएको हो ।
आयोजक युवा सञ्जाल बाँसगढीले विश्व युवा दक्षता दिवस–२०२१ के अवसरमा बाँसगढी सामुदायिक पुस्तकालयमा तालिम शुरु भएको जनाएको छ । युवा सञ्जाल बाँसगढीका सल्लाहकार तथा युवा नेता विपीन पौडेलका अनुसार कोभिड–१९ महामारी, लकडाउनले बन्दाबन्दीको बीच युवाहरुलाई असर गरेको छ । उनले युवा दक्षता दिवसको अवसरमा स्वरोजगार, रोजगारी सिर्जना गर्ने अवसरको रुपमा लिनुपर्ने
बताएका छन् ।
बाँसगढी नगरपालिकाको कृषि विकास शाखा प्रमुख लालबहादुर खड्काले कृषि विकास शाखादेखि पाउने सेवा सुविधा, अनुदान लगाएत कार्यक्रम बारेमा जानकारी गराएका थिए । तालिम उद्घाटन समारोहका प्रमुख अतिथि बाँसगढी नगरपालिका वडा नम्बर ५ का वडाअध्यक्ष नरेन्द गिरीले युवालाई आवश्यक पर्ने हरेक कार्यक्रम तथा तालिमको लाग निकाय समक्ष माग गर्ने प्रस्तावको लागि तालिम फलदायी हुने
बताए ।
दुई दिने तालिमको सहजीकरण प्रशिक्षक विर बहादुर हमालले गर्नेछन् । उक्त अवसरमा बोल्दै ज्ञानलाई व्यवहारमा उतार्न सहभागीहरुलाई सक्षम बनाइने जानकारी दिए । तालिमको उद्घाटन समारोह युवा सञ्जाल बाँसगढीका अध्यक्ष एकनारायण अधिकारीको अध्यक्षतामा शुरु भएको सदस्य सागर पौडेलले जानकारी दिए । तालिममा वडा नम्बर २ देखि ९ नम्बर वडाका यूवाहरूकाे सहभागिता रहेकाे थियाे ।
Blogger Comment
Facebook Comment