यज्ञप्रसाद सापकोटा
बर्दिया (गुलरिया)
बर्दिया अस्पताल लुम्बिनी प्रदेश भरी कै उत्कृष्ट अस्पताल घोषित भएको छ । लुम्बिनी प्रदेश अन्र्तगतका १३ ओटा अस्पताल मध्ये न्युनतम सेवा मापदण्ड र सम्पादित कार्य प्रगतिको मुल्याङ्कनको आधारमा बर्दिया अस्पताल प्रथम भएको हो ।
आर्थिक बर्ष २०७७/०७८ को न्युनतम सेवा मापदण्ड र मुल्याङ्कनको आधारमा उत्कृष्ट देखिएको हुनाले सम्मान गरीको लुम्बिनी प्रदेश स्वास्थ्य निर्देशनालय बुटवलले जनाएको छ । बुटवलमा आयोजित आर्थिक बर्ष २०७७/०७८ को स्वास्थ्य कार्यक्रमहरुको प्रदेश स्तरीय बार्षिक समीक्षा गोष्ठीमा बर्दिया अस्पतालका मेडिकल सुपरीटेन्डेन्ट डा. सुभाष पाण्डेले सम्मान ग्रहण गर्नुभएको छ ।
गत बर्ष पनि बर्दिया अस्पताल लुम्बिनी प्रदेश कै उत्कृष्ट अस्पताल घोषित भएको थियो । पछिल्लो समयमा जनशक्ती अभाव भएपनि बर्दिया अस्पतालले गुणस्तरीय स्वास्थ्य सेवा प्रदान गर्दै आएको छ ।
विशेषज्ञ सहित ५० शैयाको अस्पतालको रुपमा स्थापित भएपनि बर्दिया अस्पतालले जनशक्ती अभावले विशेषज्ञ सेवा पुर्ण रुपमा प्रदान गर्न सकेको छैन । अस्पतालमा १० जना विशेषज्ञ डाक्टर ४ जना मेडिकल अधिकृत र एक जना डेण्टल सर्जन गरि १५ जना डाक्टरको दरबन्दी रहेको छ । हाल अस्पतालमा २ जना एमडिजिपि, एक जना सर्जन एक जना बालरोग विशेषज्ञ र एक जना दाँत रोग विशेषज्ञ मात्र विशेषज्ञ डाक्टर रहेका छन् ।
Blogger Comment
Facebook Comment